Stylvolle 2-Slaapkamer 2 badkamer Aftreewoning te Koop in Die Oog Aftree Landgoed, Naboomspruit

Description

Die Perfekte eiendom vir afskaal met Styl! Ontdek die perfekte kombinasie van gemak, sekuriteit, privaatheid en Bosveld-rustigheid in hierdie pragtige 2-slaapkamer, 2-badkamer aftreewoning in die gewilde **Die Oog Aftree Landgoed** in Naboomspruit (Mookgophong), Limpopo. Hierdie besonder netjiese woning word omring deur 'n pragtig versorgde tuin wat jou vanaf die ingang tot by die voordeur verwelkom. Die rustige atmosfeer en uitstekende instandhouding maak dit moontlik om eenvoudig in te trek en dadelik jou nuwe leefstyl te begin geniet. Die eiendom beskik oor twee afdakke. Die afdak aan die voorkant is ideaal vir die berging van 'n karavaan, terwyl die ekstra lang afdak langs die huis oor 'n praktiese bergingsarea met 'n toesluit stoorkas beskik. Die woning is met groot sorg onderhou. Van die tuinhekkie tot by die afdak met buite braai begroet die pragtige tuin jou waar geveerde gaste daagliks kom besoek. Die toegeboude glasveranda met ingeboude braai bied 'n rustige uitsig oor die pragtige binnetuin en skakel met glas-skuifdeure na die oopplan sitkamer, eetkamer en kombuis. Die slim uitleg benut elke vierkante meter optimaal en skep 'n verrassende gevoel van ruimte. Dit is die ideale woning vir die ouer paartjie of enigeen wat stylvol wil afskaal sonder om op gerief in te boet. In die gang af is die gastebadkamer aan die linkerkant, volledig toegerus met 'n stort, toilet en wasbak. Die eerste slaapkamer aan die regterkant is ruim genoeg vir twee enkel- of driekwartbeddens. Die groot venster kyk uit oor die rustige binnetuin, terwyl die spieëlskuifdeur die vertrek nog ruimer laat voel. Aan die einde van die gang is die ruim hoofslaapkamer, groot genoeg vir 'n koningsgrootte bed. Glas-skuifdeure open na die binnetuin en 'n volledige muur ingeboude kaste bied uitstekende pakruimte. Die en-suite badkamer beskik oor 'n bad, stort, toilet en wasbak. Vir ekstra gerief en laer elektrisiteitskoste is die woning toegerus met **8 sonpanele en 'n batterystelsel**, wat gemoedsrus bied tydens beurtkrag en kragonderbrekings. Daar is ook 'n solar geyser vir meer besparing. Die uitstekende sekuriteit van Die Oog Aftree Landgoed maak 'n motorhuis feitlik oorbodig. Die ruim afdakke bied voldoende beskerming vir voertuie, terwyl inwoners die voordeel van 'n veilige, toegangsbeheerde omgewing geniet. Die Oog Aftree Landgoed is een van Suid-Afrika se mees gesogte aftreebestemmings en bied veel meer as net 'n woning. Die landgoed beskik oor uitstekende fasiliteite wat inwoners se onafhanklikheid en lewenskwaliteit ondersteun. Die **SAVF speel 'n belangrike rol in die bestuur en versorging van die landgoed deur professionele ondersteuningsdienste, versorgingsopsies en 'n omgee-gemeenskap te bied wanneer dit benodig word. Hierdie unieke kombinasie van onafhanklike aftrede en beskikbare ondersteuning gee inwoners en hul families waardevolle gemoedsrus. Die landgoed groei voortdurend en nuwe ontwikkelings getuig van die groot aanvraag na hierdie unieke leefstyl. Moderne fasiliteite en voortdurende uitbreiding verseker dat Die Oog 'n uitstekende langtermynbelegging bly, terwyl inwoners steeds die rustige Bosveld-atmosfeer kan geniet. Natuurliefhebbers sal verlief raak op die privaat natuurreservaat waar kilometers se wandelroetes jou tussen inheemse plantegroei neem. Geniet gereelde ontmoetings met wild soos **kameelperde, koedoes, blesbokke, rooibokke** en 'n indrukwekkende verskeidenheid voëlspesies. Dit is 'n leefstyl waar veiligheid, natuur, gesondheid en gemeenskap hand aan hand gaan. **Eiendomskenmerke:** * 2 Ruim slaapkamers * 2 Badkamers (hoof en-suite) * Oopplan sitkamer, eetkamer en kombuis * Toegeboude glasveranda * Ingeboude braai * Pragtige binnetuin * 2 Afdakke (1 Karavaanafdak) * Berging met afsluitbare stoorkas * 8 Sonpanele * Batterystelsel * Uitstekend versorgde tuin * Veilige toegangsbeheerde aftreeoord * Natuurreservaat met staproetes en wild **Moenie hierdie besondere geleentheid misloop nie. Indien jy op soek is na 'n veilige aftreewoning in Limpopo waar jy onafhanklik kan leef, deel kan wees van 'n hegte gemeenskap en elke dag die Bosveld kan geniet, is hierdie woning vir jou. Kontak ons vandag nog om 'n privaat besigtiging te reël voordat hierdie pragtige woning verkoop is.** Terwyl alle pogings aangewend is om die akkuraatheid van die inligting wat verskaf is te verseker, kan Century 21 Bushveld en sy agente nie verantwoordelik gehou word vir enige foute, weglatings of wanvoorstellings nie. Alle inligting word te goeder trou verskaf en behoort onafhanklik deur voornemende kopers geverifieer te word.

Features

24 Hour Response

Yes

Built In Braai

Yes

Smoking Allowed

Yes

Family / TV Room

Yes

Garden

Yes

Paveway

Yes

Security Post

Yes

8 Solar panels

Yes

Inverter 5 kVa

Yes

Battery

Yes

Solar Geyser

Yes